شعر فرناندوا بيسوا

العالم مخلوق لمن ولدوا كي يمتلكوه

لالمن يحلم بان يمتلكه ولو كان علي صواب

لقد حلمت باكثرمما حلم به نابليون نفسه

وضممت الي صدري المفترض اكثر مما ضم المسيح

وشيدت في السر فلسفات اكثر مما كتب كانت

لكن كنت وساكون دائما مجرد ساكن غرفه علي السطح

ولم لم اعش فيها

سابقي دائما من لم يخلق لذلك

سابقي دائما ذلك الذي امتلك بعض المزايا

سابقي دائماذلك الذي توقع ان يفتحوا له بابا في جدار بلا باب

والذي غني ترنيمه الرب في عش الدجاج

تأملات

ياتري الراجل ده بيبص علي ايه وبيفكر في مين صور التقطتها من علي الحيطان مرشح انتخبي مشهور صوره كانت في كل الشوارع هوه ده اللي بقي منها

mechell
how are you iwish you spend good time in newyork i will send you mybook as itolld you are you learning arabic or not what your opinion about your photo

ميشيل انسانه رائعه وصحفيه ممتازه امريكيه من اصل صيني روحها تواقعه للبحث عن الحقائق وكان غريب جدا بالنسبه لي ان البنت دي المولوده في مانهاتنوعايشه حياه جيده جدا انها تروح لجمعيه جدران وتدهن بنفسها بيوت الناس الغلابه في الماكس باسكندريه
مشيل كتبت مقاله مهمه جدا عن شغلي في الفوتوغرافيا
inthe fray magazine
ده اسم المجله للي يحب يطلع علي المقاله
سلام يا مشيل واتمني اشوفك تاني في القاهره

بنت الجيران اسم اللوحه اللي تم اختيارها عشان تشارك في صالون مصر السابع للتصوير الضوئي اللي هيقام في شهر تسعه بقصر الفنون بدار الاوبرا المصريه والمعرض ده هيشارك فيه مجموعه كبيره من فناني الفوتوغرافيا في مصر والجميل ان فيه قسم للتصوير التجريبي وبعتقد ان له دور كبير في تطوير فن الفوتوغرافيا المصري ياريت تشاهدوا المعرض ده اللي هيستمر لمده شهر تقريبا

هذه احدي صور المعرض الذي سيقام في ساقيه الصاوي في الفتره من السادس عشر من يوليو الجاري الي الرابع والعشرون من نفس الشهر وذلك بقاعه النهر وهومعرضي الفردي الثاني وكلمه المعرض هي

قالوا الحيطان ليها ودان لكن بكاها وحزنها ما حد قالي عليه سنين بدور علي سرها وقلبها الموجوع بارجع غريب واتعجب انا ليه بقي منتهي املي اربع حيطان يلموني مع الاحباب

والدعوه عامه لحضور المعرض

الغلاف

ده الغلاف اللي عمله الفنان احمد اللباد لمجموعتي القصصيه التانيه خدمات ما بعد البيع انا بشكره جداوبتفائل قوي ييه لانه هواللي عمل غلاف المجموعه الاولي اللي صدرت برضه من دار ميريت بس عام 2002وبصراحه مش عارف المجوعه هتصدر امتي لكن انا بحب محمد هاشم وكل مره اقول لنفسي انا هاروح اتخانق معاه مدام الكتاب لسه ما طلعش لكن اول ما روح ميريت احس اني وسط اصحابي وانسي حكايه الكتاب واسئل علي طول هي ندوه مين الاسبوع ده عشان احضرهاولما بتفوت ندوه من غير ما احضرها ازعل جداكآن ده كتابي بالضبط. اول ما طبعت المجموعه الاولي ناس كتير ماكنتش اصلاتعرف دار ميريت النهارده هي اهم دار نشر بتتبني الكتابه الجديده وكمان بتنشر لاسماء راسخه في عالم الكتابه ودايما عندي احساس اني شاركت في النجاح ده اتمني ان الغلاف يعجبكم وان المجموعه تحقق نجاح مع ان القراء والنقاد بيحتفوا دايما بالروايه اكتر لكني بحب القصه القصيره جدا وبحس انها فن عظيم الغريب ان العمل اللي شغال فيه دلوقتي برضه مجموعه قصصيه مش عارف اي لعنه اصابتني ومخلياني دايما احب الاشياء المنسيه واعشق الظلال اكتر من الضوءو المهم جدا سواء بتكتب قصه قصيره اوروايه ان يكون عملك الفني صادق وبيعبر فعلا عن احلامك في الكتابه وهو ده عزاء كتاب فن القصه القصيره اللي قريب جدا هيكون فن شهيد

حاكم فيلسوف بالريشه والالوان من اكتر رسامي الكاريكاتيراللي بحترم شغلهم وزي عباقره كتير ما خدش حقه باعتبره هوه وناجي العلي واللباد وصلاح جاهين فلاسفه الايجاز والتكثيف في فن الكاريكاتيراللي بيمنحونا شرف التاويل المتعدد لاعمالهم العمل الفني عندهم ضد سماجه التعليق وسذاجه الضحك من غير تفكير اللي فوق دول بعض رسومات عم عم حاكم اما اعماله الكامله فهي صادره من هيئه الكتاب

هناك باقصي الجنوب في بلاد الدهب حيث النهر والشلال حيث النيل والنخيل وحكاوي الاجدادعن بلاد غرقت في قاع النيل لم يتبقي منها الابعض من الشجن والاحلام تبكيني اغنيه احمد منيب مشتاقين يا ناس لبلاد الدهب مشتاقين واشعرساعتها باني فقدت ارض ووطن وظل نخيل لكن النوبي كاي مصري عمر ارضه الجديده التي استلمها بعد التهجيروصنع منها حياته الجديده

النيل

ما قدرش اشوفوه وما حبوش النيل والمراكب اجمل صوره مكن تاخدها بالكاميرايا ريت الصوره تعجب صاحبي العجوز الشاب بحر النيل