خش برجلك اليمين

خش برجلك اليمين


عرض الأصوات ا لرئيسية كُتابنا شريف عبد المجيد يكتب : أوضة الفيران
شريف عبد المجيد يكتب : أوضة الفيران
حجم الخط: شريف عبد المجيد 16 July, 2009 06:57:00



أول مره كنت أسمع فيها عن أوضة الفيران لما كنت فـى أولـى رابع
المشهد كان تقريباً كده ..الطـلــبه كلهم بيتكلموا بصوت عالى وكأن فيه صوت حشره بيطن في وداني
.. ده كان تقريباً لأول أسبوع ليا فى المدرســـــه .. دخلت علينا المدرسه وقالت بمنتهى الحزم _ اللى هيتكلم ح أحطه فى أوضــةالفيران_
.. ما أعرفش ليه ساعتها كلنا سكتنا فجــاءه ..أنا شخصـياً الخوف ملا قلبى من المدرسه ومن الداراسه أصلاً ..


أنا تخيلتها أوضة فى البدروم اللى فى الدور الأرضى..وساعات كنت بحسـبها هى الأوضه بتاعة الفراش ..أصلها كانت دايماً ضلمه ..أنا مش عارف كان بيقعد فيها إزاى ..أيام كتير كنت بحلم إنى اتحبست فيها و المدرسين والطلبه والناظــــر والفراشين كلهم روحــوا وأنا بــس اللى فى أوضة الفــيران أصـرخ ومحدش بيسمعنى وساعتها من غير ما حد يقولي يعني إيه خوف كنت حسيته وعرفت معناه كان أكبر خوف في حياتي مش إني انسي الكتب أو إني مقدرش أدفع المصاريف أو أني ما صليش 00 00 لاء إني أدخل أوضة الفيران000


خلصت الأبتدائيه والحمـد لله مدخلـتش أوضة الفـيران و لا مره ..بعد كده عرفت أنها كانت طريقه كانوا بيخوفوا بيها العيال الصغيره ..طلــعت زيــــها زى أبـو رجـل مسلوخـه وأمنـا الغوله .. لكن كبرت وكبرت أوض الفيران .. كنت فاكر إنى اتخلصت منها للأبد .. لكن طلع أن الحياه فيها فيران كتير زي الخوف من الطرد من العمل الخوف من الكلام فـى السياســه الخوف من الأغتراب والوحـــده و الــــحزن...
الخوف من الفشل الخوف من إنك ما تستمرش بنفس النجاح الخوف من إنك ما تنجحش أصلاً الخوف من المدير000 الخوف علي اللي تملكه والخوف من الأشياء اللي تملكك000 الأحـلام اللـى بنكتشف إننا مش هنقدر نحققها وأن العمر بيتسرب بين أدينا فجأه وأن الخير صعب قوي ينتصر علي الشر وأن الحق مش هوه دايماً اللي بيظهر وأزاي بيختلط بالباطل وأنك لازم تقبل كل الألوان اللي بين الأبيض والأسود هي دي أوض الفيران الحقيقيه الي لقيتها حواليا وعرفت أن أوضه الفيران كانت أبسط بكتير وأسهل لأنها كانت خوف مجسم له شكل معين وممكن تتجنبه بسهوله لو عملت الواجب او سمعت كلام المدرسه وكلام بابا وماما إنما الخوف دلوقتي مابقاش مجسم ولا له شكل ولون وحجم معين وعلي رأي المتصوفين لما قالوا رب جميل منظر ويطوي داخله كل قبيح0


للأسف أوضة الفيران وأبو رجل مسلوخه وأمنا الغوله طريقه سهله جداً لردع الطفل وتخويفه زي أفكار كتيره كانوا بيقولوا لنا عليها ..وكنا بنحس إنها مسلمات ونصدقها على إنها حقايق ..ياترى كان عندهم حق؟ ..ياترى ... مش كان من الممكن المدرسه ماتخليناش نعيش كل لحظات الرعب دى 000صحيح هى ماضربيتش حد فينا بس الخوف والرعب اللى زرعته فينا ده ..فى حد ذاته مش إنتهاك لطفولتنا ولطريقتنا فى مواجهة الحياه وياتري نظام التعليم القايم علي التلقين والنصح والإرشاد ممكن يطلع طالب عنده قدره علي الابتكار000 !!..كان فيها إيه لو ساعدونا يكون عندنا ثقه أكبر فى نفسنا كنا هنتعامل مع الحياه بشكل أكثر واقعيه وكنا هنعرف أن فيه شر وخير غلط وصح ثواب وعقاب بس مفيش أبداً أوضة فيران غير الخوف اللي هيكبلنا لو ماواجهنهوش 0 وأن أصعب ناس ممكن تقابلهم في حياتك همه اللي أوضة الفيران بقت جواهم ومش عارفين يتخلصوا منها أو اللي مستنين حد زي جودو في مسرحيه صمويل بيكت الشهيره عشان يجي يحل كل مشاكلهم وهما كل دورهم إنهم يفضلوا في إنتظاره عشان يخرجهم من أوضة الفيران0


ملحوظات أخيره عن أوضة الفيران :

أكتر عيال كنت بكرههم همه بتوع الحكم الذاتي اللي بيقفوا علي الحنفيات وعلي أبواب الفصول ودورات المياه كانوا ييخوفونا ويهددونا بكلمه هوديك للناظر


تفتكروا إيه الشبه بين الفيل هورتون وجمال بطل المليونير الفقير و سانتيجو بطل ساحر الصحراء ؟

من وجهه نظري الثلاثه ما مشيوش ورا القطيع وكل واحد فيهم واجه مخاوفه وصمم يكمل طريقه للأخر ولو كان أي واحد فيهم استسلم للخوف ماكنش هرتون انقذ المدينه اللي عايشه في زهره برسيم ولا كان جمال ربح الميلون وبقي مجرد طفل شوارع زي أخوه اللي شبه التوربيني ولا كان سانتيجو لقي الكنز بتاعه النصيحه اللي حاول التلاته ينقولهالنا هي : " اتبع قلبك وواجه مخاوفك " .... وأنا فاكر كويس لما سجلت لقاء مع الأديب الكبير " بهاء طاهر " للفضائيه المصريه سألته تفتكر أيه سر أن ساحر الصحراء باعت أكتر من أربعين مليون نسخه وقالي ساعتها إجابه من الروايه -أن اكثر الأشياء التي تستعصي علي التفسير هي أبسطها-

جريده المناره

جريدة سياسية مستقلة تصدر عن مؤسسة الجنوب للصحافة و النشر
جمهورية العراق
العدد الحالى 631





















شريف عبد المجيد.. يحدد الوضع الأمثل للدفاع عن النفس في مجموعته القصصية :: هشام الصباحي
عدد القراء 61
06-11-2009




شريف عبد المجيد..
يحدد الوضع الأمثل للدفاع عن النفس في مجموعته القصصية

هشام الصباحي
شريف عبد المجيد يقرر في مجموعته القصصية مقطع جديد لأسطورة قديمة التي صدرت في طبعتها الثانية عن دار فكرة للنشر والتوزيع بالقاهرة أن يكمل ماهو ناقص في أسطورة الحياة والموت والتاريخ والحاضر ,لقد قرر أن يضع ما يعرفه ومالا يعرفه الناس عن بعضهم البعض وعن أنفسهم في مرآة كبيرة تتسع للحياة حتى نشاهد أنفسنا والآخرين ,ربما نكتشف أن الأساطير والحكايات التي ورثناها مازال لها بقية ولها مقاطع تحتاج إلى كتابة لذا قام بهذه المهمة من خلال خمس وعشرين قصة قصيرة تُكون متن الكتاب الذي هو ولوج فني وأدبي عبر باب إكمال الناقص من الأساطير والناقص من تاريخ الحياة والبلاد والناس ,بالإضافة إلى هذا قام بتقديم ماهو موازى كما حدث في ص19 في قصة مقطع جديد لأسطورة قديمة من استخدامه لأسطورة أزوريس الفرعونية لعبر عن كونها تحدث اليوم حيث لافرق في الزمن مع تغير في الأشخاص والأسماء فقط .
الاختزال سمة رائعة وواضحة في كتابة هذا الرجل ,حيث تمثل متعة الجمل القصيرة التي تتدفق وراء بعضها لتجعلك تنتقل بإيقاع سريع ومحبب إليك
شريف عبد المجيد يحاول تكوين رؤية جديدة وملتصقة بألم الناس في الشوارع ونجد هذا متكون في قصة رائحة الموت ص 15حيث يعبر بشكل مختلف ويعطى صفات جديدة لمرفق النقل العام مثلا فيقول "ليست هذه المرة الأولى التي ادخل فيها دارا للفحش والاختناق(أعنى أتوبيسا)" اعتمادا على أن رؤيته لما يحيط به مختلف ومغاير وبعيد عن العادية كما أن شخوصه به حميمية وصداقة تجعلك تشعر بكل أشخاص وأبطال القصص وكأنها منك
كانت الرموز الفرعونية حاضره في المجموعة القصصية مثل رادوبى وهى بطلة لإحدى القصص الفرعونية,والتي تحولت في الأدب الغربي إلى قصة سندريلا ,بالإضافة أن الأمر الذي يجعلنا في حالة إمتاع مع هذه المجموعة القصصية هي القدرة الفريدة للقاص شريف عبد المجيد على الاقتراب والالتصاق بما يحدث من أزمات في الحياة والشارع والمدرسة والأحياء الفقيرة وميادين المدينة ,انه بقدر كبير يتحدث عن نفسه وعن مجتمعة وحركة القهر المستمرة من هذا المجتمع عليه وعلى كل ماهو جميل من اجل مشاهدة الألم فقط لأغير.
على الرغم من الهزائم المتعددة التي يقدمها شريف عبد المجيد في مجموعته والتي تتنوع بين هزائم مادية ومعنوية ..حسية ونفسية إلا انه في قصة الهندي والعسكري يصرخ في وجوهنا صائحا ص 62 "ماذا تنتظرون؟لا,لن أقول كلمتي الأخيرة,ولن أعلن الهزيمة." في دلالة فنية وإنسانية على محاول التمسك ببعض القدرة على المقاومة إزاء ما يحدث لنا من جهات متعددة وغير معلومة ومعلومة في آن واحد
شريف عبد المجيد حاصل على بكالوريوس التجارة عام 93 وعضو أتيليه القاهرة صدر له من قبل مجموعة قصصية بعنوان خدمات ما بعد البيع عام 2007 عن دار ميريت ومسرحية كونشرتو الزوجين والراديو عن الهيئة العامة لقصور الثقافة عام 2003
قام بإعداد العديد من البرامج التليفزيونية من أبرزها المرسم-اضحك الصورة تطلع حلوه-سينما زمان-عالم البيانولا-أضواء المسرح-روائع الفن السابع ,كما كتب السيناريو والحوار للفيلم الروائي القصير "دور البطولة"وكتب العديد من الأفلام التسجيلية.

صوره من معرضي الاخير لو رحت مره تزور والذي اقيم في قاعه كونست كافيه في الفتره من 22/12الي10/1/2009

اهرام الجمعه عدد 2 يناير2009









فرق توقيت
بقلم: شريف عبدالمجيد
دقت ساعة الحائط الكبيرة الموجودة في صالة الشقة أربع دقات متتالية‏.‏ خرج منها الببغاء المتهالك ـ الذي مازال يعمل لأسباب لا يعلمها أحد حتي الآن ـ دخلت هي بخطوات متسارعة حتي لا توقظه‏..‏ صحا من نومه ـ الخفيف جدا ـ اعتدل واتكأ علي مسند الكنبة التي ينام عليها‏,‏ نظر اليها وكأنه لا يعرفها أو فوجيء بوجودها أمامه
انتي مين
أنا سعاد
سعاد‏!‏ وعايزه إيه يا سعاد

أنا سعاد‏...‏ سعاد بنتك يا بابا‏,‏ قالت هذه الكلمة بالقرب من أذنه اليسري التي يسمع بها أفضل من أذنه اليمني
طيب أنا خارج‏.‏
خارج رايح فين بس‏.‏

أصلي لازم أروح الشغل‏...‏ ومش عايزهم ياخدوا فرصة ويأخروا ترقيتي‏.‏
شغل‏!!‏ شغل إيه بس يا بابا أنت علي المعاش بقالك عشر سنين‏.‏

انتي هتعملي زيهم‏...‏ سبيني أخرج بس‏..‏ أنا كمان لازم أنقل سمير من جامعة اسكندرية لجامعة القاهرة‏...‏ أنا عايزه قدام عيني‏..‏ ربنا كرمه ودخل هندسة ودي كلية مصاريفها كتير فبدل السفر والبهدلة أنقله أحسن
إنتي عندك عيال؟

أيوه يا بابا‏..‏ أحمد إنت سميته علي اسمك وعندي سلمي أقولك إيه بس‏,‏ ما انت اللي مربيهم‏,‏ وكنت دايما بسيبهملك إنت وماما الله يرحمها
إيه
أيوه عندي عيال

ربنا يحميكي إنتي باين عليكي طيبة‏,‏ بس خللي بالك من نفسك‏,‏ الناس بقت وحشة قوي‏.‏
حاضر يا بابا‏.‏
إيه
بقولك حاضر

أنا عندي بنات زيك‏...‏ ربنا يستر علي ولايانا‏..‏ أمال فين الجزمة
هناك أهيه

أنا لسه هعدي علي سعيد أخويا‏,‏ وبعدين هشتري البقالة للبيت أحسن فاطمة ما بقتش تقدر تنزل زي زمان‏,‏ الله يكون في عونها‏.‏

لم تعرف كيف ستقول له ان سعيد الآن في السعودية؟ وأن فاطمة أمها وزوجته ماتت منذ خمس سنوات‏.‏ لانه سيدخل ساعتها في نوبة بكاء لا حد لنهايتها‏,‏ هل ما هو فيه أفضل من تذكره لكل شيء؟
طب استني أنزل كمان شويه الدنيا حر موت‏..‏ زي ما أنت شايف

يعني الشغل هيستناني‏...‏ حر إيه وبتاع إيه وبعدين أنا قاعد هنا بمزاجي وهنزل بمزاجي هوه أنتي هتمنعيني‏.‏

لا طبعا العفو يا بابا‏...‏ طب كل حتة اللحمة دي وأشرب الشربة وأعمل اللي انت عاوزه
يعني أشرب الشربة؟
أيوه أشربها

أمال فين سلوي؟‏...‏ هي مش باينه ليه هي مش هتروح المدرسة النهارده‏.‏
مدرسة إيه بس‏...‏ سلوي دي ولادها في الثانوية دلوقتي
ما شاء الله
ايوه يا بابا وهي مع جوزها في قطر

فين؟
في قطر‏.‏
قطر‏!!‏
أيوه قطر

طب تعالي الناحية دي عشان أسمعك كويس‏.‏
كويس كده
كده أحسن

أشرب الشربة لو شربتها كلها هحكيلك حكاية هتعجبك قوي‏.‏
حكاية إيه‏!‏

حكاية العصفور اللي لف تلت بلاد وهو محبوس في القفص
قفص إيه وعصفور إيه

العصفور اللي لقوه مع بنت ملك‏,‏ سلطانه مالوش حدود وخسر حربا كبيرة‏..‏ راح الجنود المنتصرون خدوا العصفور وعطوه لبنت الملك بتاعهم‏...‏ عصفور مفيش أخوه ريشة دهب وريشة فضة لكنه كان محبوسا‏.‏
خد بقي حتة اللحمة دي
وبعدين حصله إيه يعني
هوه مين؟
العصفور يابنتي‏.‏

الأميرة قالت لازم أفكه من أسره‏,‏ إيه فايدة جماله لو مكنش الناس تشوفه
والله بتفهم برضه

وراح طاير‏..‏ قعد يغني علي شباكها أتاريه كان عصفور مسحور وخلا كل اللي في المدينة يبكوا من كتر السعادة ومحدش منهم نسي صوته‏...‏ عارف ليه؟
ليه؟

لأن ده صوت الحرية‏...‏ أصل الطيور لما بتكون محبوسة ماحدش بيقدر يحس بحزنها إلا إللي بيحلموا يطيروا في الفضا الواسع
الشربة دي باردة
لا والله دي سخنة
يعني أنا بكذب

العفو يا بابا بس أنا خايفة توقعها علي نفسك هسخنهالك تاني
طيب إيه البلد التالتة اللي رحها
دي بلد ما فيهاش طيور محبوسة كل شيء فيها حر وجميل
ياه‏....‏ مفيهاش طيور محبوسة خالص

لا‏....‏ خالص‏..‏ خد بقي الدوا
كل الدوا ده ليه‏....‏ الشافي هوه الله
ونعم بالله بس عشان تخف
منا زي البمب والحمد لله‏...‏ تصدقي إمبارح حلمت حلم غريب قوي
حلمت بإيه

حلمت إني في جنينة كبيرة جدا لكن كل شوية بقابل واحد شبه يوسف وهبي في فيلم سفير جهنم‏.‏
وبعدين
ولا قبلين

جريت منه لكنه كان دايما بيظهرلي‏,‏ خفت وجسمي كله انتفض وكنت عايز أعيط وأصرخ بس صوتي فضل محبوس ومش عايز يطلع‏.‏
يا ساتر
والله العظيم
أنت بس اقرأ قرآن قبل ما تنام
إن شاء الله‏...‏ وعلي كده إنتي عارفة ولادي كلهم

أيوه طبعا‏...‏ ترجع بطبق الشربة والدموع تملأ مقلتيها‏...‏ ربنا يخليك لينا
إنتي بتعيطي‏..‏ هو فيه حد مزعلك
لا أنا مش بعيط
والله الواحد كان نفسه يبقي عنده بنت زيك كده

تضع الحذاء أسفل الكنبة التي ينام عليها لأنها تعرف أنه سينام أربع ساعات متتالية بعدما أخذ الدواء وستترك مفتاح الشقة عند الجيران وسترجع لبيتها قبل أن يعود زوجها من عمله‏,‏ حيث إنها قضت يومين عند والدها‏,‏ وهذا دور كريمة بنت خالتها وزوجة أخيها في المبيت معه‏.‏

الود ودي مسبكيش بس أعمل إيه في العيال ومحمود وطلباته اللي ما بتخلصش أنا عارفة هروح الشقة هلاقيه مبهدلها هوه والعيال حتي شرابتهم مسيبكش‏,‏ وكريمة الله يجزيها بتخدم وهي متضررة ده أنا لو قلت الي بتقولهولي لجوزها كان زمانه طلقها‏,‏ واللي زاد وغطي انها بتقول إنك يا بابا بتعملها علي نفسك طب ما أنا بقالي يومين أهه معملتش حاجة ولا في أي يوم أنا بيت فيه معاك القصد مع السلامة‏.‏

تغلق الأنبوبة وتطفيء نور الصالة وتخرج من الشقة وتغلق الباب خلفها بينما دموعها تسيل مرة أخري دون إرادة منها ووقع خطواتها علي البسطة العريضة المتهالكه مازال مسموعا داخل الشقة‏.‏

صور من معرضي القادم انشاء الله وهو معرض مشترك مع فنانه استراليه مميزه وسوف اواليكم بالتفاصيل قريبا

حرقوها

آثار جانبيه
: ها هو قد نجا من الموت بأعجوبة بعدما ظنوا أنه في عداد الأموات ولم تترك جلطته الخطيرة سوي بعض الآثار الجانبية‏.‏كفقده للنطق والشلل وعدم تذكره لأي من أحداث حياته الهامة أو التافهة ولم يكن عليهم سوي مراقبة قرح الفراش حتي لاتغتاله البكتريا اللعينة والطفيليات التي ستتكون جراء استلقائه علي الفراش لسنوات لايعلمها أحد‏.‏

عسر هضم

سيدرك أن عسر الهضم سيكون مرضه المزمن الذي سيتعايش معه وكلما ازداد مرضه سيتذكر أيامه الخوالي‏,‏حيث كانت غازاته ذات الاصوات الضخمة مصدر فرح لاسرته حينما كان صغيرا‏,‏ صار عليه ان يكتمها بصعوبة ليثبت انه رجل صالح وسيتأكد من ان علب الفوار المتعددة التي يحملها معه هي عزاؤه الوحيد والدليل علي انه اصبح رجلا ناضجا‏.

‏عرض خاص

الرجل الذي يخطب في الجماهير كل يوم متحدثا عن القضايا الكونية وصراع الحضارات مرتديا بزته الانيقة ومنديله الأحمر في جيبه الصغير‏,‏ ويشير بيده ليحيي الجموع‏(‏ لم اتأكد أبدا إذا كان حافي القدمين أو أنه يلبس حذاءين مختلفي الألوان‏)‏ إلا أني كنت أصفق له مثل الجميع‏.

‏ثورة مضادة

كان الصوت خافتا لكنه مستمر بشكل جعله يفكر ماذا يمكن ان يتواجد داخل سيفون الحمام؟ هو لايستطيع القيام الان ولايمكنه ان يتجاهل ذلك الصوت الذي بدأ في التصاعد‏.‏ توقف عما كان يفعله ارتدي ملابسه‏,‏ فتح الغطاء‏,‏ خرجت منه الضفادع تتقافز في كل مكان جري مسرعا بينما الضفادع تعربد وكأنها ستقتله‏,‏ اتجه ناحية البلكونة فلا يمكن ان تكون الضفادع في البلكونة او الشارع في الثلاجة او الاسفلت في الغسالة‏.‏ او ان تكون منظمات المجتمع المدني هي التي تصنع العجة‏.‏ النهارده الثلاثاء وانا اسمي شريف الحمد لله لم اجن بعد‏.‏ هكذا حدث نفسه لكن الضفادع‏....‏ الضفادع في كل مكان كفيلم‏(‏ اوليفر ستون‏)‏ بالضبط لكن السماء لم تمطر ضفادع بعد‏.‏ وهو ما جعله يشعر ببعض الامل وجد الضفادع تطارد الناس في الشوارع وفي البيوت بل وتقود السيارات ايضا ولكن لماذا لم تعد تهاجمه هو شخصيا‏....‏ اكتشف السبب اخيرا‏,‏ فهاهو يقفز ويصدر اصواتا قوية كضفدع نشيط يبحث عن اقرب بركة ليعيش فيها‏.

رسائل‏

الرجل الميت الذي يواظب علي بعث رسائله لاصدقائه وللجهات العليا ولاولاده وزوجته ويدلي بصوته في الانتخابات ويشارك في الافراح والمآتم شكل لغزا للجميع حيث اتخذه بعضهم وسيلة للتبرك واعتبره البعض الآخر احد مجانين العالم السفلي‏,‏ قرروا جميعا تجاهله باعتباره رجلا ميتا لايمكن حسابه علي افعاله او علي ردود هذه الافعال ولأنه في النهاية وبعدما سيصاب بالملل سيكتشف انه مجرد رجل ميت وربما يكون اكثر سعادة من كثير من هؤلاء الأحياء الذين لايعرفون لحياتهم سببا‏.

اختيار

الشبح الذي انتقم ممن قتلوه ومثل بجثثهم جميعا لم يستطع ان يعود لقبره او ان يصير انسانا مرة أخري بعدما انهي مهمته الانتقامية بنجاح منقطع النظير‏.

‏نسيان

قتل اخاه وتزوج زوجته‏.....‏ انجب منها اولادا كثيرين الا انني لم اجد أيا منهم يتذكر عمه هابيل‏.‏

حيرة

ابحث عن نظارتي في كل مكان كلما حاولت الخروج‏.‏ جربت ان اربطها بسلسلة لكنني لم اتواءم أبدا مع هذه الفكرة‏.‏ صنعت واحدة اخري اضعها دائما في الشنطة التي اخرج بها لكنها غالبا ما تنكسر عدساتها بفعل الاصطدام بالكتب‏.

‏فرحة

الديكتاتور الذي تنازل فجأة عن عرشه وارجع الحقوق لاصحابها ووافق علي ان يحاكم علي ما فعله اسعده جدا انه استيقظ من حلمه السخيف‏.‏دعابةالمهرج الذي رأي رءوس تسعة من زملائه في اركان الساحة التي يتوسطها الملك المكئتب قرر ان تكون نكتته الاخيرة عن الملك ذاته والذي اضطر للضحك امام الجماهير ليثبت لهم مدي تمتعه بروح الدعابة بعدما اشار لوزيره المخلص بأن يدس السم للمهرج السمج فور انتهاء العرض‏.‏

حب في خمس لقطات

لقطه اولي

بدأت علاقتهما معا في خضم لحظة يهرب فيها كل منهما من علاقات سابقة اتفقا علي المصارحة ولكنهما كذبا علي بعضهما‏.

‏لقطة ثانية

استمرا في الخديعة‏.‏

لقطة ثالثة

كشف كل منهما عن ذاته‏,‏ هو فشل قبلها لانه لم يكن يحب بالفعل‏.‏ وهي فشلت قبله لانها دائما ما كانت تبحث عن شخص ذاته تقدس ذاتها‏.

‏لقطة رابعة

استمرا في المحاولة وفي فتح صفحات جديدة‏.

‏لقطة خامسة

اكتشافا اخيرا ان الحب الذي يموت بالسكتة لاتنفع معه محاولات الانعاش‏.

‏فراق

ستبكي كابينة التليفون كلما حاول ان يستخدمها شخص اخر غيرهما‏.‏سيحكي الطريق للسائرين فيه عما رآه وشاهده‏.‏سيعلن اسفلت الشارع عن تذمره وحزنه الأبدي‏.‏ستندهش اشارات المرور جدا لحظة مرور احد العاشقين السابقين لطريقه وحيدا‏.

‏نبوءة

بعد خيبات عديدة وانكسارات لا حد لهاستجد مسراتك الخاصة‏.‏ ولكن قلبك سيكون قد ادمته تلك الثقوب الصغيرة والجراح التي لم تندمل‏.‏وستعرف وقتها ان الوقت المتبقي لتلك السعادة هو اقل من القليل ولكنه كافي جدا لان تموت من الفرح‏.‏

محبة

في اليوم العاشر من الغيبوبة بكوا من اجله‏.‏ في اليوم الخمسين شعروا بالضجر في اليوم المائة نزعوا عنه الاسلاك‏.

‏رونق

لن يشك احدهم ابدا في ذلك الرجل الذي يمتلك اربعة قصور ومائة فدان وله عشرة اولاد وثلاثون حفيدا وخمسة مصانع وسبعون مليونا وقناة فضائية وتزوج ست مرات من ممثلات وداعيات وراقصات انه مدين لثمانية بنوك وانه سيهرب غدا من قاعة كبار الزوار وسيترك المصريين اكثر فقرا مما هم فيه‏.

‏صراع

الجندي الذي يقتل الاطفال لم يعذبه سوي كثرة ضغطه علي الزناد‏.‏

خرافة

الشجرة التي قدسوها منذ آلاف السنين‏.‏ ورووا حكايتها بروايات مختلفة‏.‏ وصيغت حولها الاساطير لم تصبهم اللعنات عندما استأصلوها

طلاق

اخذوا الملاعق‏,‏ السكاكين‏,‏ البوتاجاز‏,‏ والغسالة الفول اتوماتيك‏,‏ الثلاجة‏,‏ والدش والسخان‏,‏ كل الستائر والنجف والمراتب والخلاط‏,‏ المكواة والاباجورات والنجف وحجرة السفرة ولكنهم تركوا لي اللحظات الحميمة واللحظات التعيسة وصور الزفاف والجنين الذي مات في شهره الرابع وصور التحاليل والأشعة وهو ما جعلني اشعر بأنني لم أخسر الكثير‏.

‏حماية

حاصر الجنود المكان‏,‏ نزلوا من سياراتهم‏,‏ لامست احذيتهم الغليظة اسفلت الشارع فالقوا الرعب في نفوس الجميع‏,‏ كسروا باب البيت‏,‏ اتجهوا الي غرفة الكاتب‏,‏ انتزعوا منه اوراقه قبل ان يكتب فكرته الجديدة حيث كانت كاميرا المراقبة التي وضعوها خلسة في زوايا سقف غرفته قد سجلت عودته للكتابة‏.

‏خداع

لم يتعرف عليه أي مشاهد من الجمهور بعدما انهي عرض العرائس الذي يقدمه كل يوم لكنهم صفقوا له بحرارة عندما لبس القناع مرة أخري‏.‏




هذه القصه من مجموعتي القصصيه الجديده التي ستصدر قريبا ونشرت بجريده الاهرام يوم 23اغسطس 2008

واحده من صور معرض حيطان اللي اقمته في ساقيه الصاوي وتم عرضه ايضا بقبه الغوري

يا تري اعرض ايه ولا ايه هوه ده السؤال الصعب اللي ممكن يواجه الفنان قبل اختيار لوحاته لمعرض معين وهي دي الحيره اللي حسينا بيها انا وصديقي الفنان التشكيلي معتز الامام قبل افتتاح
معرضه الشغل كله كان جميل وفيه حال ابداع في اللون واللخطوط
لكن ده ممنعش ان احنا نسأل السؤال ده يا تري ايه اللي اعرضه وايه اللي خارج اطار حاله بقيه الوحات